Saltar para: Post [1], Pesquisa e Arquivos [2]

Pinceladas Quotidianas

Pinceladas Quotidianas

Xinti na Kriolu

20838309_DFv85.jpeg

 Staba xintadu na porta di nha kaza kantu txigá bera di nha portón Titá di Tôia ku balâ na mon. Nfral si: " bô ku odju kambadu dentu kabessa bu ka tumá kafé" ?

El djoben xatiadu el responden ku odju cheio di dodo e ranhu verde na nariz: " mama ba katâ na padjigal y papa bâ ka Jaime Lora txobê trabadjo, ka ten kumé na kaza". 
Depôs kel fran si n'panhá padaz di pon ku mantega ndal pel kumé. 
"Agô sain d'odju pamô tené mindjo pa pilá". Kanto nfral si Titá spian dentu di nha rosto el ka fra nada. El ba sê kaza. 
Passa três dias mi ta kruzá Lugar Nobu pam ba spiá Nunuta di Tila ki ben di Merca es ta fra ma Titá di Tóia fogá dentu sisterna di Mané Kurentxa. 
Agu bazan na odju kin txóra txeu pamô é suma kel staba kel dia ta dispidi di mi.
Kanto era mei dia nha kumâ Macóia di Kakuto txuman el fran ma Tóia ka tené dinheru di fazê enteru. N koré fáxi la na bar di José di Nekinha n'pidil dinheru pristadu pan djudá nha kumá Tóia. Korasan duen pamô ta lembraba tempu ki ta txobeba txeu kel minin ta lebaba mi kumé na marmita di aluminio el ta poba el ruba kel sisterna kel morê fogadu dentu del.

Mais sobre mim

Arquivo

  1. 2018
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2017
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D