Saltar para: Post [1], Pesquisa e Arquivos [2]

Pinceladas Quotidianas

Pinceladas Quotidianas

Xinti na Kriolu

PICT2179.JPG

Nha Donita ku Nho Tóti mancebadu maz di 40 ano na sês kaza di tedja la Txada Baxu . Nha Donita fla ma é ka pidi kazamento pamodi é xinti brugonha poi véu ku grinalda pamodi é ka staba nobu y djê tinha dôs fidjo na pé y na kel tempu Nho Dóti era rapaz nobu na si mãe. É matuta é fla dento del si:"Mintxu téra dja passa simentera". 
Ma Nho Tóti gostaba del simé. Trimodi noiba sincera nês mundu ka tem.
Nha Donita ku Nho Tóti ti oje ka briga ku kumpanheru. Nem partidos ka danaz ti oje.


Nhó Tóti manda prega fotu di bandera di PAIGC na parede di sê kuarto e el fla ma el é stréla negra ti móri. Nha Donita na idos anos 90 ta korreba traz di Veiga na Kampanha. Kamisola ku boné era el ki ta daba tudo vizinhos. Nhó Tóti ti oje ka fla nada pamodi sê mudjer djunta ku rabentolas. Trimodi na Kabu Verde sem partido bu ka ninguem.


Ma pamodi mundo é bemba na 2004 Nho Tóti internadu na Hospital ku dor na kuluna kenha ki djudal era um médico rabentola ki pagal tudu tratamentu. Na kel dia pa li na sis kaza ka papiadu maz di politika. Nha Donita ta bendi longuiça ku pon na Cais y Nho Tóti riba si banquinho forado ku napa brumedjo é ta tirsi si padja pa bendi kankan.
Na Txada Báxu ora ti ta kumemoradu 14 di Febreru tudo alguém ta lebaz presente y ta daz parabéns pamodi pa vizinhos ês é um casal exemplar ki ka dêxa sês diferensas trapadja sês amizadi.

Texto: Maria José Macedo

 

Mais sobre mim

Arquivo

  1. 2018
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2017
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D